Եվրոպայի խորհրդի կողմից իրականացվող «Աջակցություն Հայաստանում պրոբացիայի ծառայության զարգացմանը» ծրագրի շրջանակում ՀՀ ԱՆ պրոբացիայի ծառայության պետ Գևորգ Սիմոնյանը հյուրընկալեց Երևանում Եվրոպայի խորհրդի գրասենյակի ղեկավար Մարտինա Շմիդտին, ծրագրի համակարգող Նինո Գոբրոնիձեին և ԵԽ գրասենյակում ծրագրի ղեկավարներ Արման Պողոսյանին և Դիանա Ղազարյանին։
Հանդիպման ընթացքում ամփոփվել են ծրագրի շրջանակում կատարված աշխատանքները: ԵԽ գրասենյակի ղեկավար Մարտինա Շմիդտը կարևորել է ծրագրի ընթացքում ունեցած ձեռքբերումները և քննարել հետագա համագործակցության ընդլայնման հնարավորությունները։
ՀՀ ԱՆ պրոբացիայի ծառայության պետ Գևորգ Սիմոնյանը շնորհակալություն է հայտնել Եվորպայի խորհրդի ներկայացուցիչներին համագործակցության համար` կարևորելով ծրագրի արդյունավետությունը և վերահաստատել է Եվրոպայի խորհրդի հետ համագործակցությունը շարունակելու պատրաստակամությունը:
Անդրադարձ է եղել նաև պրոբացիայի ոլորտի բարեփոխումների հետագա ծրագրերի և միջոցառումների իրականացմանը:
