2022 թվականի դեկտեմբերի 16-ին տարեմուտի և Սուրբ Ծննդյան տոներին ընդառաջ՝ Պրոբացիայի ծառայության Արագածոտնի մարզային մարմնի աշխատակիցները պրոբացիայի շահառուների վերասոցիալականացմանն ուղղված ծրագրի շրջանակներում կազմակերպեցին մարմնում հաշվառված 15 շահառուների այցելություն Արագածոտնի մարզի Մուղնի համայնքի Սուրբ Գևորգ եկեղեցի: Արագածոտնի թեմի առաջնորդ Տեր Մկրտիչ Եպիսկոպոս Պռոշյանը սիրով ընդունեց և իր աջակցությունը ցուցաբերեց պրոբացիայի շահառուների համար հոգևոր, կրոնական և ճանաչողական միջոցառում կազմակերպելու գործում:
Շահառուները հանդիպել են նաև տեղի հոգևորականների հետ, ովքեր ներկայացրել են հոգևոր արժեքների զարգացմանն ուղղված կրոնական ավանդույթներ և եկեղեցու վերաբերյալ պատմական ակնարկներ, ինչպես նաև սիրով պատասխանել են շահառուների հարցերին:
Միջոցառման նպատակն էր նպաստել շահառուների հոգևոր արժեքների ձևավորմանը, կատարված արարքի հետևանքների գիտակցմանը, ինչպես նաև հասարակությունում առավել արդյունավետ վերաինտեգրմանը:
