Պրոբացիայի ծառայության պետ Արամ Նիկոյանն ընդունել է ՄԱԿ-ի Թմրամիջոցների և հանցավորության դեմ պայքարի գրասենյակի քրեական և բանտային բարեփոխումների ոլորտի միջտարածաշրջանային խորհրդական Ֆիլիպ Մեյսներին ու հանցագործության կանխարգելման և քրեական արդարադատության աշխատակից Վերա Տկաչենկոյին։ 

Հանդիպման նպատակը պրոբացիայի ոլորտում կարիքների գնահատումն էր։

Արամ Նիկոյանը նշել է, որ քրեական արդարադատության ոլորտում Պրոբացիայի ծառայությունը պատժողական քաղաքականությունից անցում է կատարել վերականգնողական արդարադատության։

Ծառայության պետը պատվիրակության անդամներին ներկայացրել է Պրոբացիայի ծառայության կողմից իրականացվող այլընտրանքային խափանման միջոցների, պատժից վաղաժամկետ ազատման զեկույցների, հանրային աշխատանքի և հաշտարարության հետ կապված հարցեր։

Ի թիվս նախատեսվող բարեփոխումների՝ Արամ Նիկոյանն անդրադարձել է Հայաստանի մարզերում մեկնարկած շարժական գրասենյակների արդյունավետ գործարկմանը, շահառուների ռիսկերի և կարիքների գնահատման գործիքի վերամշակմանը, ինչպես նաև ծառայությանը հատկացված նոր վարչական շենքի առավել բարենպաստ պայմաններին։

Քննարկվել են նաև փոխադարձ հետաքրքրություն առաջացնող մի շարք այլ հարցեր, հետագա համագործակցության հիմնական ուղղությունները, պատվիրակության անդամներին տրվել են սպառիչ պատասխաններ։

Հանդիպմանը ներկա են եղել Ծառայության պետի տեղակալ Գուրգեն Աֆրիկյանը, Վերականգնողական և վերականգնողական բաժնի պետ Սիրարփի Մուղդուսյանը, ծառայության և Արդարադատության նախարարության ներկայացուցիչներ։