2021թ սեպտեմբերի 23-ին Պրոբացիայի ծառայության Գեղարքունիքի մարզային մարմնի կողմից կազմակերպված վերասոցիալականացման միջոցառումների շրջանակում, մարմնում հաշվառված թվով 12 շահառու իրենց 7 դպրոցահասակ երեխաների հետ այցելեցին «Սևան ազգային պարկ» ՊՈԱԿ-ի այցելուների կենտրոն՝ մասնակցելու «Սևանի Ֆլորա և Ֆաունա» խորագիրը կրող քառօրյա միջոցառմանը: Միջոցառմանը մասնակցում էին Սևանի համայնքային մշակութային կենտրոնի և Հ. Իգիթյանի անվան Գեղագիտական ազգային կենտրոնի Սևանի մասնաճյուղի տնօրինությունները, ովքեր ներկայացրեցին իրենց կենտրոնի սաների ստեղծագործական աշխատանքները: Միջոցառումը կրում էր մշակութային և գիտաճանաչողական բնույթ:
