Այսօր՝ մայիսի 27-ին, ՀՀ ԱՆ պրոբացիայի ծառայության պետ Արսեն Նավասարդյանը հյուրընկալել է միջազգային իրավական համագործակցության գերմանական հիմնադրամի (IRZ) Հարավարևելյան Եվրոպայի Հարավային Կովկասի բաժնի ղեկավար Ֆրանկ Հուփֆելդի գլխավորած պատվիրակությանը։
Ծառայության պետը ողջունել է հյուրերին և ներկայացրել ծառայության ստեղծման պատմությունը, հիմնական գործառույթներն ու կառուցվածքը, առկա խնդիրները, ինչպես նաև անդրադարձել IRZ-ի հետ ունեցած համագործակցությանը:
Ֆրանկ Հուփֆելդը շնորհակալություն է հայտնել հանդիպման համար և նշել, որ IRZ պատրաստակամ է շարունակելու համագործակցությունը Ծառայության հետ և աջակցելու նրա կայացման գործընթացում:
Հանդիպման ընթացքում քննարկվել են պրոբացիայի ծառայողների վերապատրաստմանը և ուսումնական այցերին վերաբերող մի շարք հարցեր։
