Փետրվարի 27-ին Պրոբացիայի ծառայությունը մասնակցել է «Աջակցություն Հայաստանում Պրոբացիայի ծառայության հզորացմանը» ծրագրի շրջանակներում կայացած աշխատանքային խմբի հանդիպմանը, որի ընթացքում հավաքվել էին առանցքային շահագրգիռ կողմերը՝ քննարկելու քրեական արդարադատության համակարգի նորարարական լուծումները:

Հատուկ ուշադրություն դարձվեց էլեկտրոնային մոնիթորինգին և միջազգային չափանիշներին` հատկապես կարևորելով տնային կալանքի հնարավորությունը: Հանդիպման մասնակիցները կարևորել են համագործակցությունն ու լավագույն փորձի փոխանակումը: Օգտագործելով այս այլընտրանքները՝ Հայաստանը ձգտում է ստեղծել ավելի վերականգնողական արդարադատության համակարգ։

Արդյունքում կնվազի բանտային համակարգի ծանրաբեռնվածությունը, և անհատները հնարավորություն կունենան պահպանել կապը իրենց ընտանիքների և համայնքների հետ:

Գիտելիքների և լավագույն փորձի այս փոխանակումը կարևոր նշանակություն ունի միջազգային չափանիշներին համապատասխան տնային կալանքի, վարչական հսկողության և ազատության սահմանափակման կիրառման գործում Հայաստանի մոտեցումը ձևավորելու համար։

Կիրառելով այլընտրանքային խափանման միջոցները և ուսումնասիրելով քրեական արդարադատության նորարարական մոտեցումները՝ Հայաստանը կարող է ևս մեկ քայլ կատարել դեպի ավելի վերականգնողական և մարդասիրական համակարգ, որտեղ առաջնային են ինչպես հանրային անվտանգությունը, այնպես էլ անհատի իրավունքները: