Հայտարարություն
Հայաստանի Հանրապետության արդարադատության նախարարության պրոբացիայի ծառայության Գեղարքունիքի մարզային մարմնում փորձագետ ներգրավելու մասին

 
Ծրագրով նախատեսված աշխատանքների համառոտ նկարագիրը՝ ՀՀ քրեակատարողական դատավարությամբ, ՀՀ քրեական օրենսգրքով և ՀՀ քրեակատարողական օրենսդրությամբ նախատեսված անհրաժեշտ աշխատանքների իրականացմանը աջակցելն է։ Մարմնի առջև դրված գործառույթների և խնդիրների իրականացման հետ կապված անհրաժեշտ տեղեկատվության, նյութերի ստացման և այլ խնդիրների իրականացմանը աջակցելը։
 

1. Փորձագետ ներգրավելու ժամկետն է՝ Պայմանագիր կնքելու օրվանից մինչև 6 (վեց) ամիս ժամկետով:
2.  Փորձագետի պարտականությունները՝

• Հայաստանի Հանրապետության քրեական դատավարության օրենսգրքով նախատեսված այլընտրանքային խափանման միջոցների կատարման ընթացքին մասնակցելը․
• Հայաստանի Հանրապետության քրեական օրենսգրքով նախատեսված անվտանգության միջոցների կատարման ապահովմանը աջակցելը․
• Հայաստանի Հանրապետության քրեական օրենսգրքով նախատեսված` ազատությունից զրկելու հետ չկապված պատիժների կատարմանն աջակցելը․
• աջակցել մարմնի ծառայողներին փորձաշրջանի մեջ գտնվող կամ պատժի կրումը հետաձգված անձանց նկատմամբ վերահսկողություն իրականացման աշխատանքներին․
• օրենսդրությամբ սահմանված կարգով և ժամկետներում աջակցել  զեկույցի կազմման աշխատանքներին․
• պատասխանել Ծառայության այլ տարածքային մարմինների կողմից ուղարկված հարցումներին․
• ռիսկերի և կարիքների գնահատման արդյունքների հիման վրա մասնակցել  Շահառուների վերահսկողության պլանի կազմման աշխատանքներին․
• մասնակցել Շահառուի անհատական վերասոցիալականացմանն  ուղղված սոցիալ-հոգեբանական աշխատանքների վերաբերյալ համապատասխան ծրագրերի մշակմանը՝ ուղղորդելով  և խրախուսելով շահառուների մասնակցությունը մշակութային, սպորտային, կրթական միջոցառումներին, շաբաթօրյակներին, սոցիալ-հոգեբանական աշխատանքներին.
• Մարմնի աշխատանքների իրականացման ընթացքում ի հայտ եկած հնարավոր օրենսդրական բացերի և հակասությունների հայտնաբերման դեպքում  առաջարկություններ  ներկայացնել Մարմնի պետին.
• իրականացնել Մարմնի մտից և ելից մատյանների, Շահառուների շտեմարանի վարման, հաշվառման քարտերի լրացման աշխատանքները, ինչպես նաև աջակցել Շահառուի անձնական գործի արխիվացման դեպքում սահմանված կարգով հաշվառման քարտը համապատասխան Բաժին ներկայացնելուն․
• աջակցել մարմնի ծառայողներին պրոբացիայի շահառուի և տուժողի (տուժողի իրավահաջորդի) միջև հաշտարարության իրականացման գործընթացի ապահովմանը.
• նախապատրաստել պաշտոնական գրությունների, քաղաքացիների, շահառուների դիմումներին, բողոքներին,  սոցիալական ցանցերից Ծառայությանն ուղղված կամ պաշտոնական էլեկտրոնային փոստով ստացված հարցումներին պատասխանելու նախագծերը, ինչպես նաև առաջարկություններ, տեղեկանքներ, հաշվետվությունների, միջնորդագրերի, զեկուցագրերի, դատապարտյալների վերաբերյալ կազմված զեկույցների մասին հաշվետվությունների և այլ փաստաթղթեր՝  պահպանելով դրանց կատարման ժամկետներն ու ընթացակարգերը․

 
3. Փորձագետին ներկայացվող պահանջները՝

• Հայաստանի Հանրապետության քաղաքացիություն,
• բարձրագույն կրթություն,
• իրավական ակտերի մշակման կարողություններ և հմտություններ,
• հայերեն(պարտադիր), ռուսերեն կամ անգլերեն լեզուների իմացություն,
• տեղեկատվության հավաքագրման, վերլուծության և կառավարման ունակություն,
• հաշվետվությունների մշակման ունակություն,
• թիմային աշխատանքի ունակություն,
• համակարգչով և ժամանակակից այլ տեխնիկական միջոցներով աշխատելու ունակություն:
• հանրային ծառայության մեկ տարվա աշխատանքային ստաժ

 
4. Դիմումների ներկայացման վերջնաժամկետն է՝
2024 թ. հոկտեմբերի 31-ը ներառյալ:
 
5. Աշխատանքի վայրը, հեռախոսահամար՝
   Հայաստան, Գեղարքունիքի մարզ, ք. Սևան, Դեմիրճյան 4/4
 
6. Չի թույլատրվում հավակնորդի հետ պայմանագիր կնքել, եթե տվյալ անձը պաշտոնից ազատվել կամ տվյալ անձի ծառայությունը վերջին մեկ տարվա ընթացքում դադարեցվել է կարգապահական տույժ կիառելու, օրենքով սահմանված փորձաշրջանը չանցնելու, օրենքի խախտմամբ պաշտոնի նշանակվելու, «Հանրային ծառայության մասին» Հայաստանի Հանրապետության օրենքով սահմանված անհամատեղելիության պահանջները չպահպանելու, Հայաստանի Հանրապետության քաղաքացիությունը դադարեցնելու, ուժի մեջ մտած՝ նրա նկատմամբ կայացված մեղադրական դատավճռի դեպքերում, բացառությամբ այն դեպքերի, երբ նշանակվել է տուգանք, ինչպես նաև երկու տարի անընդմեջ իր մեղքով վերապատրաստման անհատական ծրագրով հաստատված կրեդիտները չստանալու դեպքում:
 
7. Դիմողի կողմից ներկայացվող փատաթղթերի անհրաժեշտ ցանկ՝

• դիմում՝ (ձևը կցվում է),
• հայտարարություն (ձևը կցվում է) ՀՀ կառավարության թվականի օգոստոսի 02-ի  N 878-Ն որոշմամբ հաստատված կարգի  13-րդ կետով նախատեսված սահմանափակումների բացակայության մասին,
• տվյալ պաշտոնը զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի` դիպլոմ(ների), վկայականի(ների) պատճենները, աշխատանքային գրքույկի կամ աշխատանքային գործունեությունը հավաստող փաստաթղթի հաստատված պատճենները,
• արական սեռի անձինք՝ նաև զինվորական գրքույկի կամ դրան փոխարինող ժամանակավոր՝ զորակոչային տեղամասին կցագրման վկայականի պատճենը կամ համապատասխան տեղեկանք,
• ինքնակենսագրական,
• մեկ լուսանակար՝ 3 x 4սմ չափսի,
• անձնագրի և հանրային ծառայության համարանիշի (սոցիալական քարտի) կամ նույնականացման քարտի պատճենները:

 
8. Ընտրություն կատարելու եղանակն է՝ դիմում ներկայացրած քաղաքացիների փաստաթղթերի և ինքնակենսագրականների ուսումնասիրություն:

 
9. Դիմողը փաստաթղթերը ներկայացնում է պատճենների հետ միաժամանակ՝ անձամբ կամ էլեկտրոնային տարբերակով՝ հետևյալ Էլ. փոստին՝  cadrer@probation.am:
 
10. Ընտրված փորձագետի վերաբերյալ տեղեկությունը կհրապարակվի
Պրոբացիայի ծառայության կայք Էջում https://probation.am/։
Դիմումները ընդունվում են աշխատանքային օրերին՝ ժամը 10⁰⁰-12⁰⁰-ը  և  14³⁰-17⁰⁰-ը:
Լրացուցիչ տեղեկություններ ստանալու համար դիմել Պրոբացիայի ծառայութուն հեռ. 010-44-08-47