Համառոտ բովանդակություն
Դասընթացը բաղկացած է հետևյալ ենթաբաժիններից․

• Գիտելիքներ դերձակության արհեստի ծագման և զարգացման պատմության վերաբերյալ
• Նյութագիտություն, հագուստի պատրաստման տեխնոլոգիա
• Տեղեկատվություն թելերի,կտորների տեսակների վերաբերյալ
• Կարի մեքենաների տեսակների և մեքենաների շահագործման աշխատանքների վերաբերյալ ուսուցում
• Ուղիղ կար, հարթակար, մաքրակար, գաղտնակար
• Սպիտակեղենի ձևում և կարում
• Հագուստի մոդելավորում  և նախագծում
• Հագուստի վերանորոգում և ձևափոխում

 
Դասընթացի նպատակը, խնդիրները
Շահառուի մոտ ձևավորել և զարգացնել  կարի արտադրության և տեխնոլոգիաների տիրապետման վերաբերյալ հմտություններ։
 
Կառուցվածքը և նկարագրությունը
 
Սույն դասընթացը ուղղված է շահառուի մոտ  նոր մասնագիտական կարողությունների ձևավորմանը,  այդ նպատակով շահառուն կսովորի հետևյալ հմտությունները․
 

• Հաճախորդի հետ շփվելու և աշխատելու հմտություններ
• Ձեռքի և  մեքենայի կարատեսակներ  կատարելու հմտություններ
• Արտադրության մեջ օգտագործվող մանր մասնիկների մշակման տեխնոլոգիայի կիրառման  կարողություններ 
• Հագուստ կարելու, ձևափոխելու  և  նորոգելու հմտություններ

 
Ակնկալվող  արդյունքները
Դասընթացի ավարտին շահառուն կստանա նոր,պահանջված մասնագիտություն ՝ կարի արտադրություն և տեխնոլոգիա մասնագիտացումը։
 

Համառոտ բովանդակություն
Թրեյնինգը բաղկացած է հետևյալ հաջորդական ենթաբաժիններից․

• Կախվածությունը և դրա  առաջացմանը նպաստող հանգամանքները
• Ինչպե՞ս  է բնութագրվում  կախվածություն  ունեցող վարքագիծը
• Կախվածության զարգացման էտապները
• Նյութերի հետևանքով առաջացող  հոգեկան և վարքային խանգարումներ
• Կախվախության հաղթահարման ուղղված վարքի մոդելների ձևավորում
• Եզրափակիչ գնահատում և արդյունքների արձանագրում

Թրեյնինգի նպատակը, խնդիրները
Թրեյնինգային ծրագրի հիմնական նպատակն է շահառուների մոտ ձևավորել և զարգացնել կախվածության արդյունավետ հակազդման, ինչպես նաև կախվածության հաղթահարման  վարքի տարբեր մոտեցումներ և մոդելներ։ Նպատակից ելնելով առաջադրվել են հետևյալ խնդիրները․

• Կախվածության մակարդակի գնահատում
• Կախվածության վարքի  գնահատման չափանիշների վերաբերյալ պատկերացումների ձևավորում
• Կախվածությունների համարժեք հակազդման մոտեցումների ձևավորում
• Կախվածությունների հաղթահարման համապատասխան մոդելների յուրացման ապահովում

Կառուցվածքը և նկարագրությունը
Սույն թրեյնինգային ծրագիրը բաղկացած է ծանոթացման և նախնական գնահատման, բուն հոգեվարժանքների և եզրափակիչ գնահատման փուլերից։ Նախնական գնահատման փուլում համապատասխան հոգեբանական մեթոդներով գնահատվում է կախվածության մակարդակը, կախվածության հաղթահարման առկա մոտեցումները, այլընտրանքային մոդելների վերաբերյալ պատկերացումները։
Հոգեվարժանքների փուլում՝ հիմնվելով նախնական գնահատման տվյալների վրա, նախագծվում է համապատասխան դերային խաղերի սյուժետների և մասնակցության հերթականությունը, ինչպես նաև դերերի բաշխման առանձնահատկությունները։ Յուրաքանչյուր իրավիճակ խաղարկելուց հետո կատարվում է քննարկում, որն եզրափակվում է իր ամփոփումներով և եզրահանգումներով։ Անրաժեշտության դեպքում որոշ իրավիճակներ կարող են խաղարկվել մի քանի անգամ։
Եզրափակիչ գնահատման փուլում գնահատումը իրականացվում է նույն գործիքներով, ինչպես նախնական գնահատման փուլում, այնուհետև կատարվում է համապատասխան արդյունքների արձանագրում։
Ակնկալվող արդյունքները
Հոգեբանական թրեյնինգի ավարտին շահառուն կկարողանա արդյունավետ հակազդել կախվածությանը, զրկանքի համախտանիշին («լոմկա») դիմակայելուն ուղղված ինչպես ճանաչողական, այնպես էլ՝ վարքային մարտավարությունների ձևավորում և զարգացում։ Զուգահեռ վերոնշված մարտավարությունների զարգացման՝ կախվածության նվազման դինամիկա։
 
 

Համառոտ բովանդակություն
Թրեյնինգը բաղկացած է հետևյալ հաջորդական ենթաբաժիններից.

• Արդյունավետ հաղորդակցման հմտություններ

• Հաղորդակցման հիմնարար դրույթներ.
• Տեղեկատվության ընկալումը.
• Ինչպես ենք ընկալում ինքներս մեզ և ինչպես են մեզ ընկալում այլ անձինք.
• Վերբալ և ոչ վերբալ հաղորդակցություն.
• Գործնական հաղորդակցություն.
• Ինչպես պատրաստվել հարցազրույցին.
• Ինչպես կազմել մրցունակ ինքնակենսագրական.
• Հաղորդակցման տարբերությունները՝ կանանց և տղամարդկանց միջև.
• Դասընթացի ամփոփում և արդյունքների արձանագրում:

• Աշխատանքային հարաբերություններ

• Աշխատանքային հարաբերությունների կարգավորումը պայմանագրային կարգով.
• Ո՞վ է աշխատողը, ո՞վ է գործատուն.
• Ի՞նչ տեղեկատվություն կարող է ստանալ աշխատողը իր աշխատանքային հարաբերությունների վերաբերյալ.
• Ի՞նչ է աշխատանքային պայմանագիրը / Աշխատանքային պայմանագրի կնքման կարգը.
• Ի՞նչ ժամկետով է կնքվում աշխատանքային պայմանագիրը.
• Ե՞րբ կարող է լուծվել աշխատանքային պայմանագիրը.
• Աշխատանքային հարաբերություններում, որոնք են համարվում անձնական տվյալներ.
• Ե՞րբ և ո՞ր դեպքում է աշխատողը դիմում դատարան.
• Դասընթացի ամփոփում և արդյունքների արձանագրում:

 
 
Թրեյնինգի  նպատակը, խնդիրները
Թրեյնինգային ծրագրի նպատակն է շահառուների մոտ ձևավորել այնպիսի հմտություններ, կարողություններ և ունակություններ, որոնք անհրաժեշտ են միջանձնային հարաբերություններ ձևավորելուն և արդյունավետ հաղորդակցություն բարելավելուն: Այն կօգնի աշխատողին գործատուի հետ ստեղծել աշխատանքային հարաբերություններ, կծանոթանա աշխատանքային պայմանագրի կամ աշխատանքի ընդունման մասին իրավական ակտի պարտադիր պահանջի մասին, կնպաստի աշխատողների և գործատուների իրավունքների ու աշխատանքային շահերի պաշտպանությանը:
 
 
Կառուցվածքը և նկարագրությունը
Սույն թրեյնինգային ծրագիրը բաղկացած է ծանոթացման և շահառուի կարիքների նախնական գնահատման փուլից։ Նախնական գնահատման փուլում ուսումնասիրվում են շահառուի հաղորդակցման հմտություններին տիրապետելու, աշխատանքի նախապատրաստվող անձին գործատուի հետ հարցազրույցի տեսակներին ծանոթանալու, պատշաճ ներկայանալու, աշխատաշուկայում մրցունակ ինքնակենսագրություն կազմելու և աշխատանքային հարաբերությունների հետ կապված խնդիրները։
 
Ակնկալվող արդյունքները
Հաղորդակցման և աշխատանքային հարաբերություններ թրեյնինգի ավարտին շահառուն ձեռք կբերի հաղորդակցման հմտություններ, մասնավորապես՝ գործատուի հետ հարցազրույզի նախապատրաստական աշխատանքներից մինչև աշխատանքային հարաբերություններում ձևավորած ընդհանուր գիտելիքներ:  
 
 

Համառոտ բովանդակություն

Թրեյնինգը բաղկացած է հետևյալ հաջորդական ենթաբաժիններից․

• Ընտանեկան բռնության վերաբերյալ միֆերը և իրականությունըէ՝ համեմատական վերլուծության արդյունքների ներկայացում
• Ըտանեկան բռնությունը Հայաստանում. մշակույթային առանձնահատկությունների և
• կարծրատիպերի վերհանում
• Ընտանեկան բռնարարքների դրդապատճառների բացահայտում
• Բռնության հետևանքների վերաբերյալ համապատասխան պատկերացումների և վերաբերմունքի ձևավորում
• Ընտանեկան բռնության հետևանքները երեխաների վրա, տրավմայի ազդեցությունը. ֆիզիկական ու հոգեբանական դրսևորումներ
• Դասընթացի ամփոփում և արդյունքների արձանագրում

Թրեյնինգի նպատակը, խնդիրները

Թրեյնինգային ծրագրի հիմնական նպատակն է շահառուների մոտ ձևավորել ընտանեկան բռնության միֆերը և իրականությունը, բռնության հետևանքների վերաբերյալ  պատկերացումները, ձևավորել համապատասխան վերաբերմունք, ինչպես նաև բացահայտել բռնարարքների խորքային դրրդապատճառները։ Նպատակից ելնելով առաջադրվել են հետևյալ խնդիրները․

• Ընտանեկան բռնության վերաբերյալ գիտելիքների գնահատում
• Ընտանեկան բռնության միֆերի և փաստերի վերաբերյալ պատկերացումների ձևավորում  և հիմնական կարծրատիպերի վերհանում
• Բռնության բացասական հետևանքների նկատմամբ վերաբերմունքի և  դիրքորոշումների ձևավորում
• Ընտանեկան բռնարարքների դրդապատճառների բացահայտման վերաբերյալ գիտելիքների տրամադրում
• Հույզերի կառավարման վերաբերյալ գիտելիքների տրամադրում, հույզերի ինքնակարգավորման  վերաբերյալ տեխնիկաների յուրացում

Կառուցվածքը և նկարագրությունը

Սույն թրեյնինգային ծրագիրը բաղկացած է ծանոթացման և նախնական գնահատման, բուն հոգեվարժանքների և եզրափակիչ գնահատման փուլերից։ Նախնական գնահատման փուլում համապատասխան հոգեբանական մեթոդներով գնահատվում է ընտանեկան բռնության միֆերի և փաստերի վերաբերյալ գիտելիքների մակարդակը, ընտանեկան բռնության վերաբերյալ դիրքորոշումները, բռնության հետևանքների վերաբերյալ պատկերացումները։

Հոգեվարժանքների փուլում՝ հիմնվելով նախնական գնահատման տվյալների վրա, նախագծվում է համապատասխան դերային խաղերի սյուժետների և մասնակցության հերթականությունը, ինչպես նաև դերերի բաշխման առանձնահատկությունները։ Յուրաքանչյուր իրավիճակ խաղարկելուց հետո կատարվում է քննարկում, որն եզրափակվում է իր ամփոփումներով և եզրահանգումներով։ Անրաժեշտության դեպքում որոշ իրավիճակներ կարող են խաղարկվել մի քանի անգամ։

Եզրափակիչ գնահատման փուլում գնահատումը իրականացվում է նույն գործիքներով, ինչպես նախնական գնահատման փուլում, այնուհետև կատարվում է համապատասխան արդյունքների արձանագրում։

Ակնկալվող արդյունքները

Հոգեբանական թրեյնինգի ավարտին շահառուն կկարողանա հստակ պատկերացում  ունենալ ընտանեկան բռնության միֆերի և փաստերի բերաբերյալ, հստակ դիրքորոշում և վերաբերունք կունենա բռնության բացասական հետևանքների վերաբերյալ, կտիրապետի բռնարարքների դրդապատճառների բացահայտման մեխանիզմներին, ինչպես նաև  հույզերի կառավարման և ինքնակարգավորման  տեխնիկաներին։
 

Համառոտ բովանդակություն

Թրեյնինգը բաղկացած է հետևյալ հաջորդական ենթաբաժիններից․

• Հաղորդակցման առկա հմտությունների նախնական գնահատում
• Արդյունավետ հաղորդակցման տեսական մոտեցումների ներկայացում
• Հաղորդակցման տարաբնույթ իրավիճակների մոդելավորում և խաղարկում
• Համապատասխան անձնային որակների զարգացում
• Արդյունավետ հաղորդակցման մոդելների յուրացման ապահովում
• Եզրափակիչ գնահատում և արդյունքների արձանագրում

Թրեյնինգի նպատակը, խնդիրները

Թրեյնինգային ծրագրի հիմնական նպատակն է անձի մոտ ձևավորելու և զարգացնելու արդյունավետ հաղորդակցման հմտություններ, ինչպես նաև ապահովել արդյունավետ հաղորդակցման հիմնական ֆունկցիոնալ մոդելների յուրացումը։ Նպատակից ելնելով առաջադրվել են հետևյալ խնդիրները․
 

• Հաղորդակցման հմտությունների նախնական գնահատում
• Հաղորդակցման ոչ ֆունկցիոնալ մոտեցումների բացահայտում, չեզոքացում
• Հաղորդակցման արդյունավետության չափանիշների քննարկում, պարզաբանում
• Արդյունավետ հաղորդակցման վերաբերյալ պատկերացումների և մոտեցումների ձևավորում
• Արդյունավետ հաղորդակցման ֆունկցիոնալ մոդելների յուրացման ապահովում

Կառուցվածքը և նկարագրությունը

Սույն թրեյնինգային ծրագիրը բաղկացած է ծանոթացման և նախնական գնահատման, բուն հոգեվարժանքների և եզրափակիչ գնահատման փուլերից։ Նախնական գնահատման փուլում համապատասխան հոգեբանական մեթոդներով գնահատվում է հաղորդակցման հմտությունները, արդյունավետ հաղորդակցման վերաբերյալ սեփական պատկերացումները, հաղորդակցման ոչ ֆունկցիոնալ մոդելների առկայությունը։

Հոգեվարժանքների փուլում՝ հիմնվելով նախնական գնահատման տվյալների վրա, նախագծվում և իրականացվում են նպատակահարմար հոգեբանական տեխնիկաները, մոդելավորվում և խաղարկվում են համապատասխան իրավիճակները։ Յուրաքանչյուր իրավիճակ խաղարկելուց հետո կատարվում է քննարկում, որն եզրափակվում է իր ամփոփումներով և եզրահանգումներով։ Անրաժեշտության դեպքում որոշ իրավիճակներ կարող են խաղարկվել մի քանի անգամ։

Եզրափակիչ գնահատման փուլում գնահատումը իրականացվում է նույն գործիքներով, ինչպես նախնական գնահատման փուլում, այնուհետև կատարվում է համեմատական վերլուծություն և համապատասխան արդյունքների արձանագրում։

Ակնկալվող արդյունքները

Հոգեբանական թրեյնինգի ավարտին շահառուն կտիրապետի արդյունավետ հաղորդակցման հմտություններին, ինչպես նաև նրա մոտ կնվազի հաղորդակցման ոչ ֆունկցիոնալ մոտեցումների քանակը՝ հաղորդակցման ֆունկցիոնալ մոդելների յուրացման շնորհիվ։