Համառոտ բովանդակություն
Թրեյնինգը բաղկացած է հետևյալ հաջորդական ենթաբաժիններից.

• Արդյունավետ հաղորդակցման հմտություններ

• Հաղորդակցման հիմնարար դրույթներ.
• Տեղեկատվության ընկալումը.
• Ինչպես ենք ընկալում ինքներս մեզ և ինչպես են մեզ ընկալում այլ անձինք.
• Վերբալ և ոչ վերբալ հաղորդակցություն.
• Գործնական հաղորդակցություն.
• Ինչպես պատրաստվել հարցազրույցին.
• Ինչպես կազմել մրցունակ ինքնակենսագրական.
• Հաղորդակցման տարբերությունները՝ կանանց և տղամարդկանց միջև.
• Դասընթացի ամփոփում և արդյունքների արձանագրում:

• Աշխատանքային հարաբերություններ

• Աշխատանքային հարաբերությունների կարգավորումը պայմանագրային կարգով.
• Ո՞վ է աշխատողը, ո՞վ է գործատուն.
• Ի՞նչ տեղեկատվություն կարող է ստանալ աշխատողը իր աշխատանքային հարաբերությունների վերաբերյալ.
• Ի՞նչ է աշխատանքային պայմանագիրը / Աշխատանքային պայմանագրի կնքման կարգը.
• Ի՞նչ ժամկետով է կնքվում աշխատանքային պայմանագիրը.
• Ե՞րբ կարող է լուծվել աշխատանքային պայմանագիրը.
• Աշխատանքային հարաբերություններում, որոնք են համարվում անձնական տվյալներ.
• Ե՞րբ և ո՞ր դեպքում է աշխատողը դիմում դատարան.
• Դասընթացի ամփոփում և արդյունքների արձանագրում:

 
 
Թրեյնինգի  նպատակը, խնդիրները
Թրեյնինգային ծրագրի նպատակն է շահառուների մոտ ձևավորել այնպիսի հմտություններ, կարողություններ և ունակություններ, որոնք անհրաժեշտ են միջանձնային հարաբերություններ ձևավորելուն և արդյունավետ հաղորդակցություն բարելավելուն: Այն կօգնի աշխատողին գործատուի հետ ստեղծել աշխատանքային հարաբերություններ, կծանոթանա աշխատանքային պայմանագրի կամ աշխատանքի ընդունման մասին իրավական ակտի պարտադիր պահանջի մասին, կնպաստի աշխատողների և գործատուների իրավունքների ու աշխատանքային շահերի պաշտպանությանը:
 
 
Կառուցվածքը և նկարագրությունը
Սույն թրեյնինգային ծրագիրը բաղկացած է ծանոթացման և շահառուի կարիքների նախնական գնահատման փուլից։ Նախնական գնահատման փուլում ուսումնասիրվում են շահառուի հաղորդակցման հմտություններին տիրապետելու, աշխատանքի նախապատրաստվող անձին գործատուի հետ հարցազրույցի տեսակներին ծանոթանալու, պատշաճ ներկայանալու, աշխատաշուկայում մրցունակ ինքնակենսագրություն կազմելու և աշխատանքային հարաբերությունների հետ կապված խնդիրները։
 
Ակնկալվող արդյունքները
Հաղորդակցման և աշխատանքային հարաբերություններ թրեյնինգի ավարտին շահառուն ձեռք կբերի հաղորդակցման հմտություններ, մասնավորապես՝ գործատուի հետ հարցազրույզի նախապատրաստական աշխատանքներից մինչև աշխատանքային հարաբերություններում ձևավորած ընդհանուր գիտելիքներ:  
 
 

Համառոտ բովանդակություն

Թրեյնինգը բաղկացած է հետևյալ հաջորդական ենթաբաժիններից․

• Դրական ծնողավարման  վերաբերյալ նախնական պատկերացումների գնահատում
• Դաստիարակման դրական մոտեցումների հիմնական սկզբունքների ներկայացում
• Երեխայի ապակառուցողական վարքաձևին ծնողի մոտ կառուցողական  վերաբերմունքի և համապատասխան  հակազդումների ձևավորում
• Ծնող-երեխա կառուցողական փոխհարաբերությունների մոդելի յուրացման ապահովում
• Եզրափակիչ գնահատում և արդյունքների արձանագրում

Թրեյնինգի նպատակը, խնդիրները

Թրեյնինգային ծրագրի հիմնական նպատակն է ծնողների մոտ ձևավորելու և զարգացնելու երեխաների հետ արդյունավետ հարաբերություններ հաստատելու,  ինչպես նաև երեխաների կողմից դրսևորած  ոչ կառուցողական  վարքագծի նկատմամբ  արդյունավետ հակազդման կարողություններ և հմտություններ։ Նպատակից ելնելով առաջադրվել են հետևյալ խնդիրները․
 

• Դրական ծնողավարման հմտությունների  գնահատում
• Դրական ծնողավարման  վերաբերյալ պատկերացումների ձևավորում՝ հիմնական սկզբունքների ներկայացմամբ
• Երեխաների ոչ կառուցողական  վարքագծի նկատմամբ ծնողի արդյունավետ  հակազդման մոտեցումների և հմտությունների ձևավորում
• Դրական ծնողավարման համար անհրաժեշտ  գիտելիքների, ինչպես նաև գործնական տեխնիկաների յուրացում

Կառուցվածքը և նկարագրությունը

Սույն թրեյնինգային ծրագիրը բաղկացած է ծանոթացման և նախնական գնահատման, բուն հոգեվարժանքների և եզրափակիչ գնահատման փուլերից։ Նախնական գնահատման փուլում համապատասխան հոգեբանական մեթոդներով գնահատվում է դրական ծնողավարման  վերաբերյալ գիտելիքների մակարդակը, դրական ծնողավարման վերաբերյալ առկա մոտեցումները, այլընտրանքային ծնողավարման և դաստիարակության  մոդելների վերաբերյալ պատկերացումները։

Հոգեվարժանքների փուլում՝ հիմնվելով նախնական գնահատման տվյալների վրա, նախագծվում է համապատասխան դերային խաղերի սյուժետների և մասնակցության հերթականությունը, ինչպես նաև դերերի բաշխման առանձնահատկությունները։ Յուրաքանչյուր իրավիճակ խաղարկելուց հետո կատարվում է քննարկում, որն եզրափակվում է իր ամփոփումներով և եզրահանգումներով։ Անրաժեշտության դեպքում որոշ իրավիճակներ կարող են խաղարկվել մի քանի անգամ։

Եզրափակիչ փուլում գնահատումը իրականացվում է նույն գործիքներով, ինչպես նախնական գնահատման փուլում, այնուհետև կատարվում է համապատասխան արդյունքների վերլուծություն և արձանագրում։

Ակնկալվող արդյունքները

Հոգեբանական թրեյնինգի ավարտին շահառուն կկարողանա համարժեք կառուցողական հակազդեցություն ցուցաբերել երեխայի ոչ կառուցողական վարքագծի վերաբերյալ տարբեր  իրավիճակներում, կտիրապետի արդյունավետ հակազդման հնարներին, ինչպես նաև դրական ծնողավարման վերաբերյալ  գիտելիքներին  և մոտեցումներին։

Համառոտ բովանդակություն

Թրեյնինգը բաղկացած է հետևյալ հաջորդական ենթաբաժիններից․

• Կոնֆլիկտայնության և կոնֆլիկտի հաղթահարման/լուծման վերաբերյալ պատկերացումների գնահատում
• Կոնֆլիկտային իրավիճակների մոդելավորում և խաղարկում
• Կոնֆլիկտի հաղթահարման տարատեսակ մոդելների ներկայացում և քննարկում
• Կոնֆլիկտի հաղթահարման արդյունավետ մոդելի ընտրություն և կիրառում
• Եզրափակիչ գնահատում և արդյունքների արձանագրում

Թրեյնինգի նպատակը, խնդիրները

Թրեյնինգային ծրագրի հիմնական նպատակն է անձի մոտ ձևավորելու և զարգացնելու կոնֆլիկտային իրավիճակներին արդյունավետ հակազդման, ինչպես նաև կոնֆլիկտի հաղթահարման մոտեցումներ։ Նպատակից ելնելով առաջադրվել են հետևյալ խնդիրները․

• Կոնֆլիկտայնության մակարդակի գնահատում և կարգավորում
• Կոնֆլիկտային իրավիճակների գնահատման չափանիշների վերաբերյալ պատկերացումների ձևավորում
• Կոնֆլիկտային իրավիճակին համարժեք արդյունավետ հակազդման մոտեցումների ձևավոևրում
• Կոնֆլիկտի լուծման համապատասխան մոդելների յուրացման ապահովում

Կառուցվածքը և նկարագրությունը

Սույն թրեյնինգային ծրագիրը բաղկացած է ծանոթացման և նախնական գնահատման, բուն հոգեվարժանքների և եզրափակիչ գնահատման փուլերից։ Նախնական գնահատման փուլում համապատասխան հոգեբանական մեթոդներով գնահատվում է կոնֆլիկտայնության մակարդակը, կոնֆլիկտի հաղթահարման առկա մոտեցումները, այլընտրանքային մոդելների վերաբերյալ պատկերացումները։

Հոգեվարժանքների փուլում՝ հիմնվելով նախնական գնահատման տվյալների վրա, նախագծվում և իրականացվում են նպատակահարմար հոգեբանական տեխնիկաները, մոդելավորվում և խաղարկվում են համապատասխան իրավիճակները։ Յուրաքանչյուր իրավիճակ խաղարկելուց հետո կատարվում է քննարկում, որն եզրափակվում է իր ամփոփումներով և եզրահանգումներով։ Անրաժեշտության դեպքում որոշ իրավիճակներ կարող են խաղարկվել մի քանի անգամ։

Եզրափակիչ գնահատման փուլում գնահատումը իրականացվում է նույն գործիքներով, ինչպես նախնական գնահատման փուլում, այնուհետև կատարվում է համեմատական վերլուծություն և համապատասխան արդյունքների արձանագրում։

Ակնկալվող արդյունքները

Հոգեբանական թրեյնինգի ավարտին շահառուն կկարողանա համարժեք կառուցողական հակազդեցություն ցուցաբերել կոնֆլիկտային իրավիճակներում, կտիրապետի սեփական կոնֆլիկտայնության կառավարման արդյունավետ հնարներին, ինչպես նաև կոնֆլիկտի հաղթահարման և լուծման մոդելներին և մոտեցումներին։